બોર્ડર-ગાવસ્કર ટ્રોફીમાં ઓસ્ટ્રેલિયન ટીમના ઓપનર ઉસ્માન ખ્વાજાની પત્ની રશેલ ખ્વાજા મેદાનની બહાર. રશેલ બોર્ડર-ગાવસ્કર ટ્રોફીમાં પણ કોમેન્ટ્રી કરતી જોવા મળશે.
ઉસ્માન ખ્વાજાની પત્ની રશેલ ચેનલ 7 માટે કોમેન્ટ્રી કરતી જોવા મળશે. તેના પતિ ઉસ્માન ટીમ ઈન્ડિયાનો સામનો કરતા જોવા મળશે.
જ્યાં સુધી રશેલની વાત છે, તે ટીવી હોસ્ટ છે અને તેણે ઘણી મેચોમાં કોમેન્ટ્રી કરી છે. ઉસ્માન ખ્વાજા સાથેના લગ્ન બાદ રશેલ ચર્ચામાં રહી હતી.
વાસ્તવમાં, ઉસ્માન સાથે લગ્ન કરતા પહેલા રશેલે ધર્મ પરિવર્તન કરી લીધું હતું. તેણી ખ્રિસ્તીમાંથી મુસ્લિમ બની.
એવો દાવો કરવામાં આવ્યો હતો કે ઉસ્માને રશેલને મુસ્લિમ બનવા માટે દબાણ કર્યું હતું. જોકે, રશેલે એક ઈન્ટરવ્યુમાં આ વાતને સંપૂર્ણપણે નકારી કાઢી હતી.
ઉસ્માન ખ્વાજા માટે ટીમ ઈન્ડિયા સામેની આ ટેસ્ટ સિરીઝ કોઈ પડકારથી ઓછી નથી. કારણ કે ભારતીય ટીમ સામે તેનો ટેસ્ટ રેકોર્ડ ખરાબ છે. આ ડાબોડી બેટ્સમેને ટીમ ઈન્ડિયા સામે 9 ટેસ્ટ મેચમાં 34ની એવરેજથી 544 રન બનાવ્યા છે.
જોકે, ખ્વાજા માટે સારી વાત એ છે કે ઓસ્ટ્રેલિયામાં તેનું બેટ ઘણું સારું છે. ઉસ્માને ઓસ્ટ્રેલિયામાં 52થી વધુની સરેરાશથી 2855 રન બનાવ્યા છે, જેમાં 9 સદી સામેલ છે. હવે જોવાનું એ રહે છે કે બોર્ડર-ગાવસ્કર ટ્રોફીમાં ઉસ્માન કેવું પ્રદર્શન કરે છે. (તમામ ફોટો ક્રેડિટ: X/Instagram)
